Stor nedgang i smittsame sjukdommar
Mellom 1. og 15. mai vart det meldt om 331 tilfelle av smittsame sjukdommar andre enn covid-19 – ein nedgang på 61 prosent i forhold til same tid i fjor.
Det kjem fram i rapporten til Folkehelseinstituttet (FHI) i Meldingssystem for smittsame sjukdommar (MSIS).
– Vi ser ein nedgang for alle sjukdomsgrupper, særleg etter innføring av tiltak for sosial distansering i
byrjinga av mars, står det i rapporten.
Blant resultata har mat- og vassborne sjukdommar vorte reduserte med 77 prosent, gonorétilfella har ein nedgang på 60 prosent, og vaksineførebyggbare sjukdommar har gått ned 86 prosent.
(©NPK)