Store mengder amfetamin beslaglagt i Tromsø

(NPK-NTB): Kriminelle nettverk blir etterforska i Tromsø etter at det er gjort fleire store narkotikabeslag verdt millionar av kroner i byen dei siste vekene.

– Fleire personar er varetektsfengsla, både nordmenn og utlendingar er involverte, seier seksjonsleiar Yngve Myrvoll ved kriminalavdelinga i Troms politidistrikt til NRK.

Han seier at dette dreier seg om organisert kriminalitet.

– Austeuropearar samarbeider med nordmenn i kurer- og mottakarleddet, seier Myrvoll.

Han beskriv beslaga som er gjort den siste tida, som dei største i Nord-Noreg. Det største var på åtte kilo. Fleire beslag er på eitt kilo.

– Men ein god del slepp gjennom. Når vi tar ein god del amfetamin, seier det seg sjølv at det er ein del brukarar, seier Myrvoll. (©NPK)

Annonse