Streik stoppar flymat ved Gardermoen og Flesland

– Det er vanskeleg å forstå at NHO Reiseliv ikkje har vore villige til å møte oss på nokon av våre krav. Vi er i streik frå fredag morgon, noko som vil ramme forsyningar av all flymat ved Gardermoen og Flesland, seier Parats forhandlingsleiar Grethe Diserud.

Presseansvarleg Charlotte Holmberg Jacobsson i Norwegian kan informere om at langdistanserutene ikkje blir ramma av streiken.

– Den påverkar berre våre kortdistanseruter, og der har vi sendt ut ei tekstmelding til dei det gjeld om å stå for mat og drikke sjølv – men ingen alkohol, seier ho til NTB. (©NPK)