Studie: 1 av 1.000 koronasmitta i England
Rundt 53.000 menneske i England hadde koronaviruset i andre halvdel av mai, men berre éin av tre som testa positivt, hadde symptom, anslår ein ny studie.
Undersøkinga blant nesten 20.000 personar i engelske husstandar fann at berre 21 personar hadde covid-19, opplyser det britiske statistikkbyrået ONS fredag.
– I tida mellom 17. mai og 30. mai 2020, anslår vi at gjennomsnittleg 1 promille av befolkninga hadde covid-19, siger ONS.
– Det svarer til gjennomsnittleg 53.000 personar i England.
Berre 29 prosent av dei som testa positivt for viruset, melde at dei hadde kjent symptom, viser tala.
England har ei befolkning på knappe 56 millionar.
(©NPK)
Studien viser at talet på positive koronatestar har falle, medan smitteraten er høgare for helsepersonell og folk som ikkje kan ha heimekontor. Frå måndag blir det påbode med munnbind på tuben i London. Foto: Kirsty Wigglesworth / AP / NTB scanpix