Svak inntektsvekst for apoteka

Apoteka har hittil i år omsett for 24,2 milliardar kroner. Det er ein vekst på 1,5 prosent samanlikna med i fjor.

18,5 milliardar kroner av omsetninga var sal av legemiddel.

Det viser bransjestatistikken til apoteka for perioden januar til august i år.

- Den låge veksten på legemiddelområdet kjem mellom anna av at fleire legemiddel har vorte vesentleg billegare i år. Tala viser at styresmaktene no har fått god kontroll på utgiftsveksten for legemiddel. Samtidig gjer utviklinga den økonomiske stoda for apoteka meir krevjande, seier næringspolitisk direktør Oddbjørn Tysnes i Apotekforeningen i ei pressemelding.

Statistikken viser samtidig at det har vore ein auke i bruken av legemiddel på 1,4 prosent i dei åtte første månadene i år, samanlikna med tilsvarande månader i fjor. Det er ein auke på om lag same nivå som dei siste åra.

(©NPK)

Det har vore ein liten vekst i inntektene for apoteka hittil i år. Foto: Gorm Kallestad / NTB scanpix