Svensk politi opna drapsetterforsking – skjelettet var frå mellomalderen
Svensk politi opna drapsetterforsking då det vart funne eit skjelett under gravearbeid på ein gard torsdag. Det viste seg å vere frå mellomalderen.
Dermed avslutta politiet saka. No er det opp til historikarane å sjå vidare på skjelettet.
Det vart funne under gravearbeid på ein gard i Skabersjö utanfor Malmö torsdag. Politiet tilkalla ein ekspert som raskt kunne konstatere at funnet stamma frå ei mellomaldergrav.
Eksperten kunne fortelje politiet at det låg ein kjend gravplass frå mellomalderen i området like ved der skjelettet vart funne.
(©NPK)