Sykkellegende sendt til sjukehus med alvorleg hovudskade etter fall
Sykkellegenda Eddy Merckx (74) vart søndag frakta til sjukehus med alvorlege hovudskadar etter å ha falle av sykkelen sin under ein treningstur i Belgia.
Det er den belgiske avisa Heitte Nieuwsblad som skriv at Merckx pådrog seg alvorleg hovudskade i ulykka som skjedde under ein sykkeltur saman med fleire venner søndag.
74-åringen vart send til sjukehus i Dendermonde, der han ligg på ei intensivavdeling og skal gjennom fleire undersøkingar.
Merckx er av mange rekna som den beste syklisten gjennom tidene. Belgiaren vann Tour de France fem gonger og tok med seg heile 34 etappesigrar i det franske storrittet.
Han vann òg Giro d'Italia fem gonger, Vuelta a España og ei rekke eindagsklassikarar, som Liège-Bastogne-Liège (fem gonger) og Paris-Roubaix (tre gonger).
Han rakk òg å vinne tre verdsmeisterskapar før han la opp i 1978.
(©NPK)