Sykling: Vos parkerte konkurrentane i La Course
Nederlandske Marianne Vos var i ein klasse for seg og rykte frå konkurrentane i den tøffe avslutninga på sykkelrittet La Course fredag.
Kvinnenes storritt over 121 kilometer gjekk i forkant av tempoetappen til mennene i Tour de France i Pau.
Den tidlegare tredoble verdsmeisteren Vos var ustoppeleg i spurten, og ho enda tre sekund føre canadiske Leah Kirchmann og danske Cecilie Uttrup Ludwig.
Det var Vos' niande siger denne sesongen.
Katrine Aalerud var einaste norske kvinne på start i rittet og enda på 60.-plass, slått med over elleve minutt av vinnaren.
(©NPK)
Marianne Vos frå Nederland vann La Course fredag. Her jublar ho for OL-gull i 2012. Foto: Janerik Henriksson / TT / NTB scanpix