Tangnes vart årets trenar i Sveits
Zug-trenaren og nordmannen Dan Remy Tangnes er kåra til årets trenar i sveitsisk ishockey.
Ifølgje VG er det den sveitsiske avisa Le Matin som skriv dette.
42-åringen frå Oslo leidde Zug til ein suveren siger i grunnserien i den sveitsiske toppligaen.
Tangnes vann avstemminga klart. Han fekk 19 stemmer mot Genève/Servettes Patrick Emonds tre stemmer.
Zug-spelaren Jan Kovar vart kåra til årets spelar. Han var òg poengkongen i serien.
Dan Remi Tangnes hadde òg suksess i svenske Rögle og Linköping i eit par sesongar før turen gjekk til Sveits i 2018.
(©NPK)
Tsjekkaren Jan Kovar (t.v.) vart kåra til årets spelar i Sveits denne sesongen. Foto: Pavel Golovkin / AP / NTB