Telenors dotterselskap betaler 1,1 milliardar kroner til teletilsynet i Bangladesh
Telenor og dotterselskapet Grameenphone har vedtatt å betale 1,1 milliardar kroner i depositum til teletilsynet i Bangladesh etter ein langvarig strid.
Depositumet vil bli utbetalt 23. februar og har samanheng med skatte- og avgiftskrangelen Telenor-konsernet har med styresmaktene i Bangladesh.
Ved utgangen av 2019 hadde styresmaktene krav på totalt 13,3 milliardar kroner mot Telenor-konsernet, ifølgje E24.
Telestyresmaktene meiner at mobilselskap i landet, mellom dei Grameenphone, har betalt for lite skattar og avgifter mellom 1997 og 2014.
(©NPK)
Telenor er hovudeigar i Grameenphone, det største teleselskapet i Bangladesh. Her kan ein sjå Telenor-logoen i ein reklameplakat i Dhaka i Bangladesh. Foto: Stringer / NTB scanpix