To store skianlegg startar sesongen neste helg

Anlegga til Skistar i Hemsedal og Trysil startar opp årets vintersesong 3. desember.

– Den 3. desember er ventetida over. Etter ein lang periode med vekslande temperaturar, ser vêrprognosane for kommande veke lovande ut, melder selskapet i ei pressemelding.

Snøproduksjonen blir køyrd ut for fullt til sesongopninga.

– Med fullt fokus på kvalitet i skikøyringa, er vinterkulda som no kjem heilt ideell. Sesongopning er alltid ein spesiell dag for oss, og vi ser verkeleg fram til å ønskje nye og gamle gjester velkommen, seier destinasjonssjef Gudrun Sanaker Lohne hos SkiStar Trysil.

(©NPK)

Koronasituasjonen førte til færre folk i bakkane på Trysil i fjor påske, då dette biletet vart teke. No startar årets sesong. Foto: Lise Åserud / NTB