Tre av fem imot sløkking av FM-nettet

(NPK-NTB): Over 60 prosent seier dei er imot sløkkinga av FM-nettet og overgangen til DAB-radio, viser ei undersøking Dagbladet har fått gjennomført.

npk@npk.no

Publisert: 13.07.2016 kl 07:19

Berre 16 prosent seier dei er for at radiosignala vert flytta over til DAB.

– Trass i massive kampanjar frå dei nasjonale aktørane, har verken tekniske eller innhaldsmessige argument klart å overtyde det breie lag av radiolyttarane om at DAB er noko dei treng, seier leiar Pål Lomeland i Norsk Lokalradioforbund til avisa. Kommunikasjonssjef Mari Hagerup i Digitalradio Norge seier på si side at det er nødvendig å byte ut FM-nettet:

– Eg trur det er naturleg at folk ønskjer å behalde det gamle systemet fordi det er kjent og kjært. Men folk må ikkje gløyme at radio over DAB-systemet er veldig bra og gir eit langt større kanaltilbod over heile landet.