Tre drepne og mange skadde i eksplosjon i Karachi
Det som truleg var ein stor gasseksplosjon har ramma eit større leilegheitsbygg i den pakistanske byen Karachi onsdag.
Eksplosjonen ramma bygget på morgonen, i det folk var på veg til jobb. Minst 15 personar er skadde, og tilstanden er kritisk for minst halvparten, ifølgje velgjerdsorganisasjonen Edhi.
Tre døde personar har vorte drege ut av ruinane av bygningen. Det blir frykta at fleire personar framleis er fanga i ei leilegheit og ein bank i første etasje av bygningen. Leitemannskap jobbar med å søkje gjennom ruinane.
(©NPK)
Leitemannskapa grev seg gjennom restane av bygget. Foto: Fareed Khan / AP / NTB