Tre sivile drepe i luftangrep i Syria

Angrepa skjedde fredag, den fjerde dagen i den skjøre våpenkvila i Syria. Måndag blei våpenkvila sett i verk, men det har vore sporadiske brot.

I tillegg til dei tre drepne, blei 13 sivile skadd i luftangrep i Khan Sheikun i Idlib-provinsen, opplyser eksilgruppa Syrian Observatory for Human Rights (SOHR). Gruppa får sine opplysingar frå eit nettverk av informantar og aktivistar inne i det krigsherja landet.

Våpenkvila som tredde i kraft måndag omfattar ikkje område der IS og al-Qaida-tilknytte Jabhat Fatah al-Sham, tidlegare kjend som Nusrafronten, er til stades.

Fleire observatørar har påpeikt at det vil vere vanskeleg å overhalde våpenkvila i område der Jabhat Fatah al-Sham har sterke allierte, noko som er tilfellet i Idlib. (©NPK)