Tromsø kommune har gjennomført synfaring på Roald Amundsen
Tilsette frå Tromsø kommune har onsdag vore på synfaring på hurtigruteskipet Roald Amundsen.
Synfaringa vart gjord i samarbeid med smittevernsenteret på Universitetssjukehuset Nord-Noreg, opplyste kommuneoverlege Kathrine Kristoffersen i Tromsø på ein pressekonferanse onsdag ettermiddag.
– Det er gjort ei synfaring for å vurdere dei faktiske forholda på skipet, og for å vurdere kor godt skipet er eigna som karantene- og isolasjonsstad.
Det er òg planlagd ombordstiging med helsepersonell frå Tromsø kommune, som skal sjå til mannskapet om bord.
– Vi kjem til å gjennomføre kliniske undersøkingar og samtalar, sa Kristoffersen.
(©NPK)