Trump erklærer unntakstilstand ved grensa

USAs president Donald Trump stadfestar at han erklærer unntakstilstand ved grensa mot Mexico for å skaffe pengar til den planlagte grensemuren.

I kunngjeringa seier han at muren er nødvendig for å stanse kriminalitet, narkotika og ein invasjon av migrantar.

Han seier ikkje når han vil signere ei unntakserklæring som gir han høve til å omgå Kongressen og hente pengar til bygginga av ein mur frå ulike postar på statsbudsjettet.

Totalt planlegg han å bruke om lag 8 milliardar dollar til bygging av muren. Ein betydeleg del av pengane skal hentast frå forsvarsbudsjettet.

Trump vedtok å erklære unntakstilstand då han ikkje fekk Demokratane med på å løyve pengar til muren.

Avgjerda har utløyst skarp kritikk frå Demokratane, som planlegg ein resolusjon i Kongressen og ei rekke juridiske tiltak for å stanse Trump.

(©NPK)

President Donald Trump i USA varslar at han vil erklære unntakstilstand ved grensa mot Mexico. Foto: Pablo Martinez Monsivais / AP / NTB scanpix