Tusenvis av skuleelevar streika for klimaet i USA
Fleire titals tusen skuleelevar og andre frammøtte streika fredag for klimaet i USA. I New York streika òg initiativtakar Greta Thunberg.
Med skilt med bodskap som: «There is no planet B» og «dette kan ikkje vente til eg er ferdig på skolen», møtte tusenvis av demonstrantar opp på Capitol Hill i Washington DC til klimastreik.
Mange av dei unge demonstrantane uttrykte skuffelse over at foreldregenerasjonen førebels har gjort det dei meiner er for lite for å stoppe klimaendringane.
- Det er trist at barna må gjere dei vaksne sin jobb, seier åttandeklassingen Jessica Kulp til nyheitsbyrået AP.
Totalt var det planlagt meir enn 800 klimademonstrasjonar i USA fredag.
Klimaaktivist Greta Thunberg deltok under streiken i New York der meir enn 1,1 millionar skuleelevar hadde fått fri for å demonstrere mot klimaendringane.
(©NPK)
Demonstrantar heldt opp skilt under klimamarsjen på Capitol Hill i den amerikanske hovudstaden fredag. Foto: Kevin Wolf / AP / NTB scanpix
Den svenske klimaaktivisten Greta Thunberg (17) deltok i klimastreiken i New York fredag. I storbyen hadde 1,1 millionar skuleelevar fått skulefri for å delta i streiken. Foto: Eduardo Munoz Alvarez / AP / NTB scanpix