Tyske hjelpearbeidarar og feltsjukehus frå Qatar på veg til Beirut
Tyske styresmakter varslar at 47 hjelpe- og søkjearbeidarar er klare til å reise til Beirut for å hjelpe etter eksplosjonen tysdag. Qatar sender feltsjukehus.
Fleire land har varsla at dei vil hjelpe Libanon i arbeidet etter eksplosjonen i Beirut hamn som kosta meir enn 100 menneske livet. Dei tyske hjelpearbeidarane vil reise til Libanon onsdag kveld dersom libanesiske styresmakter stadfestar at dei vil ta imot hjelpa.
Samtidig varslar Qatar at dei fraktar feltsjukehus til Beirut. Meir enn 3 tonn hjelpeutstyr, sjukesenger, generatorar og liknande blir sendt med fire fraktefly onsdag kveld.
(©NPK)
Sløkkearbeidet går framleis føre seg i Beirut hamn dagen etter den kraftige eksplosjonen som ramma byen. Foto: AP Photo/Hussein Malla/NTB scanpix.