Uber kjøper konkurrent i Midtausten
Skyssformidlaren Uber kjøper konkurrenten Careem for 26 milliardar kroner.
Beløpet på 3,1 milliardar dollar gjer dette til det største teknologioppkjøpet i Midtausten-regionen.
Avtalen fører til at Careem blir eit heileigd underselskap til Uber. Det vil framleis vere eit uavhengig selskap under Careem-merkevara og vil framleis bli leidd av grunnleggjarane sine.
Careem er basert i Dubai og er blant dei mest suksessrike selskapa som har starta opp i regionen. Selskapet er populært i Midtausten, delvis fordi det lèt passasjerane betale med kontantar i staden for berre kredittkort.
Uber-sjef Dara Khosrowshahi seier oppkjøpet styrkar stillinga til skyssformidlaren med amerikansk utspring, globalt.
(©NPK)
Illustrasjonsfoto: Gorm Kallestad / NTB scanpix