Ukrainas president skal ha samtalar med Trump
Ukrainas president Volodymyr Zelenskyj skal møte USAs president Donald Trump til samtalar i New York neste veke.
Møtet vil bli det første sidan Zelenskyj vart innsett som president i Ukraina i mai månad.
Den ukrainske presidenten reiser til USA frå 23. til 26. september for å delta under FNs hovudforsamling.
Møtet med den amerikanske presidenten kjem midt i ein fornya innsats for å få ein slutt på konflikten med dei russiskstøtta separatistane i Aust-Ukraina.
Tidlegare denne månaden møtte Zelenskyj USAs visepresident Mike Pence under eit bilateralt møte i Warszawa i Polen.
(©NPK)
Ukrainas president Volodymyr Zelinskij møtte USAs visepresident Mike Pence under eit bilateralt møte i Warszawa tidlegare denne månaden. Neste veke møter han president Donald Trump. Foto: Petr David Josek / AP / NTB scanpix