Ulovleg trafikkopplæring skal stansast

Det kan skje ved at til dømes rettleiar må registrere seg og elevane sine. Det blir tatt sikte på å legge til rette for enkle løysingar, slik at krava i minst mogleg grad skaper belastning for dei som skal drive med lovleg øvingskøyring.

I tillegg vil det bli mogleg å gi aktørane tvangsmulkt, òg til dei som driv ulovleg verksemd. I dag risikerer dei som driv køyreopplæring berre pålegg om stans og tilbakekalling av godkjenning.

– Det skal vere trygt å ferdast i trafikken, og vi skal kunne føle oss trygge på at dei bilistane vi møter har fått ei god og grundig opplæring. Derfor foreslår vi å endre regelverket både for å heve kvaliteten i føraropplæringa og for å stanse dei som driv ulovleg opplæring, seier samferdselsminister Jon Georg Dale (Frp).

Forslaga til endringar i vegtrafikklova vart lagt fram for Stortinget fredag. Endringane skal bidra til å heve kvaliteten på føraropplæringa og opplæringa av utrykkingsførarar og yrkessjåførar.

(©NPK)

Trafikkopplæring som er ulovleg blir ofte kamuflert som privat øvingskøyring. Derfor stiller regjeringa no krav til rettleiar og elev ved privat øvingskøyring. Her samferdselsminister Jon Georg Dale (Frp). Foto: Terje Bendiksby / NTB scanpix