United-eigar lovar å finansiere nødvendige sommarkjøp
Manchester United-eigar Avram Glazer meir enn antydar at midlar vil kome til disposisjon slik den nye manageren Erik ten Hag kan kjøpe spelarar i sommar.
Måndag publiserte United det første store intervjuet med påtroppande manager ten Hag. Der er nederlendaren tydeleg på at spelarstallen må forsterkast i tida som kjem.
Då United-eigar Avram Glazer møtte Sky Sports under World Economic Forum i sveitsiske Davos, måndag gjekk han langt i å love at pengar vil bli stilt til rådvelde.
– Vi har alltid brukt pengane som er nødvendig for å kjøpe nye spelarar, sa amerikanaren.
Då Sky Sports stilte spørsmål om han var samd i at Old Trafford-klubben har ein skuffande sesong bak seg, lydde først svaret:
– Eg trur ikkje dette er tidspunktet å snakke om det.
Deretter stadfesta likevel Glazer likevel påstanden til journalisten.
– Det er ein skuffande sesong, og det har det vore for alle. Vi skal jobbe hardt for å gjere den neste betre, sa han.
United avslutta Premier League-sesongen med 0-1-tap for Crystal Palace søndag. Sjetteplass på tabellen vart fasiten.
(©NPK)
Manchester United avslutta sesongen svakt søndag. Foto: Ian Walton / AP / NTB