USA set russisk ytre høgregruppe på terrorlista
USA har sett den russiske ultranasjonalistiske gruppa Den russiske imperiebevegelsen på lista over utanlandske terrorgrupper.
– Dette er første gong USA nokosinne har utpeika kvit makt-folk som terroristar. Det er for å illustrere kor alvorleg denne administrasjonen tek trusselen, seier Nathan Sales i avdelinga i det amerikanske utanriksdepartementet som jobbar med terrorrelaterte saker.
Departementet viser til at Den russiske imperiebevegelsen driv paramilitære treningsleirar i St. Petersburg og har tiltrekt seg nynazistar frå heile den vestlege verda.
Salast viser mellom anna til angrep i Sverige. Den ultranasjonalistiske gruppa har hatt ei form for samarbeid med Den Nordiska motståndsrörelsen (NMR).
To menn med tilknyting til NMR som vart dømde for bombing i Göteborg i 2017, skal ha fått opplæring av Den russiske imperiebevegelsen.
(©NPK)