Verdsbanken stansar utbetalingar til Sudan

Verdsbanken har stansa utbetalingar til Sudan etter militærkuppet tidlegare denne veka.

Verdsbankens president David Malpass seier han er svært bekymra over hendingane i Sudan.

– Eg fryktar den dramatiske innverknaden det vil få for den sosiale og økonomiske utviklinga i landet, seier Malpass onsdag.

USA og fleire andre land har allereie stansa bistanden til Sudan etter kuppet på måndag.

(©NPK)

Det har vore store protestar i Sudan etter at regjeringa i landet vart avsett i eit militærkupp måndag. Foto: Ashraf Idris / AP / NTB