WHO: 90 prosent av verdas befolkning pustar dårleg luft

– Dette er ei folkehelse-krise, fastslår Maria Neira, som leier avdelinga for folkehelse og miljø i organisasjonen.

Rapporten inneheld nye funn basert på målingar av luftforureining 3.000 stader over heile verda. I tillegg til satellittmålingar er det gjort undersøkingar på bakken.

Konklusjonen er at 92 prosent av verdas befolkning bur på stader der mengda sot, sulfat og andre skadelege partiklar overskrid grenseverdiane til WHO.

Over 6 millionar menneske er rekna med å døy kvart år på grunn av luftforureining. Nesten 90 prosent av dødsfalla skjer i land med låge eller middels inntekter. Kina, Malaysia, Vietnam og andre land i Aust-Asia er hardast råka av problemet. (©NPK)