Zlatan kan bli trippel prisvinnar

Zlatan Ibrahimovic er nominert i tre forskjellige kategoriar under MLS Awards. Han kan blant anna bli kåra til den mest verdifulle spelaren i år.

stian.grythaugen@ntb.no/kirsten@npk.no

Publisert: 16.10.2018 kl 10:04

I tillegg er den svenske superstjerna nominert i kategoriane Årets nykommar og Årets comeback i den amerikanske proffligaen Major League Soccer, skriv Aftonbladet.

I mars i fjor gjekk 36-åringen frå Manchester United til Los Angeles Galaxy. Allereie i første kamp viste han seg fram då han som innbytar scora to mål og snudde kampen mot Los Angeles FC frå 2-3 til 4-3.

Etter det har Zlatan halde fram å imponere trass i at LA Galaxy ser ut til å gå glipp av sluttspelet. Svensken har på 25 kampar scora 21 mål og notert seg for fem målgjevande pasningar.

Til prisutdelinga MLS Awards er Ibrahimovic nominert i tre kategoriar. Det er fleire enn nokon annan spelar i ligaen. Spelarar, trenarar og journalistar skal stemme på finalistane før resultata blir presenterte 31. oktober.

(©NPK)

Zlatan Ibrahimovic (9) er nominert i tre kategoriar til MLS Awards. Foto: AP Photo / Orlin Wagner / NTB scanpix.