Gerrard tok Rangers vidare i europaligakvalifiseringa

Grunnlaget for avansementet blei lagt i den første teljande kampen til Gerrard ved roret. Skottane vann 2-0 på heimebane, og tok seg vidare trass 0-0 på bortebane tysdag.

Petrocub eller Osijek ventar i 2. kvalifiseringsrunde for Gerrrads menn. Laga frå høvesvis Moldova og Kroatia møter kvarandre torsdag. Stillinga etter første kamp er 1-1.

Managerjobben i Rangers er Gerrards første etter at han la opp som fotballspelar. Han har tidlegare trent eitt av ungdomslaga til Liverpool.

38-åringen er ei legende i Liverpool. Han spelte i ei årrekke for Merseyside-klubben. I Rangers har han tidlegare Liverpool-spelar Gary McAllister som assistenttrenar.

(©NPK)

Rangers-manager Steven Gerrard kunne juble for avansement i europaligakvalifiseringa. Foto: Ian Rutherford / PA via AP / NTB scanpix