Minst 50 ungdommar arresterte i narkoaksjon
Dei siste to dagane har Follo-politiet arrestert minst 50 ungdommar for bruk og sal av narkotika.
Politiet opplyser til NRK onsdag at dei arresterte ungdommane er jenter og gutar mellom 16 og 20 år og frå alle samfunnslag. Enkelte av dei har fleire dommar bak seg.
Politiet aksjonerte mot heimeadresser og skular i Follo-regionen tysdag og onsdag. Det blei også arrestert personar i Østfold og Oslo, ifølgje kanalen.
Ifølgje Østlandets Blad har politiet fått bekymringsmeldingar frå både foreldre, skule og fritidsklubbar i Follo. To personar på høvesvis 18 og 19 år, begge frå Oppegård, blei i førre veke arrestert og sikta for grove narkotikalovbrot.
Ifølgje politiet går mykje av narkotikasalet og distribusjonen føre seg på skulane i Follo-området. Aksjonen har fått namnet "Oppegårdmiljøet" fordi kjernen i miljøet held til i området og mykje av distribusjonen har også skjedd derfrå.
(©NPK)