Nortura-underskot på 126 millionar
Matvareprodusenten Nortura fekk eit underskot før skatt på 126 millionar kroner i første tertial. Det er ein kraftig nedgang frå året før.
Selskapet fekk eit driftsresultat som er 90 millionar kroner svakare enn i same periode i fjor, opplyser selskapet.
Utviklinga kjem i hovudsak av lågare marginar på salet av raudt kjøtt. Også auka kostnadar til papp og distribusjon og ei vriding frå daglegvare- til industrimarknaden forklarer marginsvekkinga. På same tid aukar personal- og driftskostnadene.
Nortura opplyser at selskapet har hatt ei positiv salsutvikling for egg, bacon, spekepølser og kylling, mens salet av pølser og ferdigmat er på same nivå som i fjor.
Pålegg, postei, kjøttdeig og stykka kjøtt har derimot hatt ein nedgang.
(©NPK)
Foto: Ned Alley / NTB scanpix