Per Sandberg bad om å få gå av tidleg i førre veke

Per Sandberg (Frp) seier at han tidleg i førre veke signaliserte til statsminister Erna Solberg (H) at han ønskte å gå av som fiskeriminister.

- Eg varsla tidleg i førre veke at eg ønskte å gå av som fiskeriminister, sa Per Sandberg på pressekonferansen i representasjonsbustaden til regjeringa etter at avgangen hans hadde blitt stadfesta.

Han heldt fram med å seia at årsaka til at han ønskte å gå av som minister, er samansett.

- Men eg skal lova alle at de vil få svar på det på pressekonferansen i morgon. Det er litt andre dimensjonar i denne saka, og det har eg og ikkje minst Bahareh Letnes behov for å konfrontera dykk med, sa han med tilvising til pressa som hadde møtt opp i representasjonsbustaden.

- Viss de har litt tolmod til å venta på underteikna og Bahareh Letnes, så skal vi stilla oss disponible til å svara på alle spørsmål, spekulasjonar og påstandar i denne saka, sa Sandberg.

(©NPK)

Per Sandberg seier at han varsla Erna Solberg om at han ønskte å gå av allereie i førre veke. Foto: Heiko Junge / NTB scanpix