Russarar i Ukraina får ikkje moglegheita til å stemme i presidentvalet
Styresmaktene i Ukraina seier fredag at russarar som oppheld seg i landet ikkje vil få moglegheit til å stemme i det russiske presidentvalet søndag.
- Søndag den 18. mars 2018 vil sikkerheitstiltak ved dei Ukraina-baserte ambassadane og konsulata til Russland i Kiev, Kharkiv, Odessa og Lviv føre til at russiske statsborgarar ikkje får tilgang til desse for å stemme ved valet, seier Ukrainas innanriksminister Arsen Avakov fredag.
Det er venta at sitjande president i Russland Vladimir Putin blir attvalt under valet søndagen. Han har bedt russiske borgarar om å komme seg til valurnene for å bidra til å «forme framtida til Russland».
(©NPK)