Samsung lanserer nye telefonar
Samsung har lansert to nye Galaxy-telefonar. Håpet er at dei vil snu utviklinga for firmaet etter at Galaxy Note 7 måtte trekkjast tilbake av sikkerheitsomsyn.
Modellane Galaxy S8 og S8+ markerer starten på ein ny tidsalder innan smarttelefon-design, hevda Samsung-sjefen DJ Koh i New York onsdag.
Telefonane er blant anna utstyrte med ein ny "digital assistent", Bixby. Han skal konkurrere med Apples Siri og Amazon Alexa.
Grunnen til at Galaxy Note 7 måtte trekkjast tilbake, var fleire tilfelle der telefonane tok fyr. Årsaka skal ha vore feil på batteria.
Den sørkoreanske elektronikk-giganten Samsung er også blitt blanda inn i korrupsjonsskandalen som førte til at Sør-Koreas president Park Geun-hye måtte gå av tidlegare denne månaden. Samsung-arvingen Lee Jae-yong er tiltalt for bestikkingar og underslag, men har sjølv avvist skuldingane.
(©NPK)