Ytterlegare to døde funne etter jordskjelvet i Italia
(NPK-NTB-AP): To døde personar blei funne under bygningsruinane i det jordskjelvråka området sentralt i Italia måndag. Dermed er det totale talet på døde oppe i 292.
Dei omkomne blei funne i Amatrice måndag, der til saman 231 har mista livet i skjelvet, opplyser redningstenesta.
Småbyen Amatrice og landsbyane Accumoli og Arquata del Tronto er blant stadane som blei hardt råka av skjelvet natt til onsdag.
Det er framleis fleire menneske sakna, og leitinga i restane av bygningane held fram. (©NPK)