36 nye tilfelle av apekoppar påvist i England
36 nye tilfelle av apekoppar er påvist i England. Det bringar det samla talet smittetilfelle i landet opp i 56.
Det melder britiske helsestyresmakter måndag. Same dag vart også det første tilfellet av apekoppar stadfesta i Skottland.
I EU er det så langt stadfesta minst 85 tilfelle av apekoppar, mellom anna i Belgia, Frankrike, Tyskland, Italia, Nederland, Spania og Sverige.
Samtidig seier det europeiske smittevernbyrået ECDC at risikoen for at virussjukdommen spreier seg blant befolkninga i Europa, er veldig låg.
(©NPK)