Bilsalet halvert i Tyskland
Nybilsalet i Tyskland stupte med nær 50 prosent i mai, samanlikna med same månad i fjor.
Koronapandemien har sett sitt preg på den tyske industrien, og også bilindustrien er hardt ramma.
I mai vart det berre registrert rundt 168.000 selde nye bilar, ifølgje det tyske biltilsynet KBA. I mars fall bilsalet med 38 prosent, og i april fall det med heile 61 prosent – det lågaste månadstalet sidan Tyskland vart samla i 1990.
Bilsalet har òg svikta i ei rekkje andre land dei siste månadene, mellom anna Italia og Storbritannia.
(©NPK)