Departementsråd mektigast i Landbruks-Noreg

Nationen og Bondebladet har dei siste fire åra kåra dei mektigaste i Landbruks-Noreg.

Dei to siste åra har Forsell, som er den øvste embetsmannen i landbruksdepartementet og leier delegasjonen til staten i landbruksoppgjeret, hamna på plassen bak Frp-statsråd Jon Georg Dale.

Men etter at Dale i august vart bytt ut med partifelle Bård Hoksrud, som både er ny i jobben og blir omtalt som fagleg svakare enn forgjengaren, har embetsmannen i landbruksdepartementet gått heilt til topps.

- Forsell sit (...) i posisjon til å påverke ein statsråd som framleis kan lite om landbruk, står det mellom anna i forklaringa til juryen.

Hoksrud hamnar på femteplass, noko juryleiar Reidar Almås synest er ganske imponerande, når ein tek omsyn til den manglande erfaringa til statsråden.

Hoksrud må seg sjå seg slått av sjefen sin, partileiar og finansminister Siv Jensen, som hamnar på tredjeplass. Johan Johannson, som er største eigar i Norgesgruppen, får andreplassen i kåringa i år. Fjerdeplassen går ikkje til ein person, men eit fenomen: klimaendringa.

- Tørkesommaren 2018 demonstrerte for ei øydeleggjande kraft klimaendringane representerer for norsk matproduksjon, heiter det i grunngjevinga til juryen.

(©NPK)

Departementsråd Leif Forsell er forhandlingsleiar for staten i landbruksoppgjera. Han er for tida den mektigaste i Landbruks-Noreg. Arkivfoto: Audun Braastad / NTB scanpix