Esben Esther Pirelli Benestad mistar legelisensen
Helsetilsynet har konkludert med at Esben Esther Pirelli Benestad ikkje får vere lege. Benestad vil klage på avgjerda.
Benestad stadfestar Helsetilsynets konklusjon overfor Fædrelandsvennen.
– Eg har fått tre vekers klagefrist som eg kjem til å nytte meg av. Det kokar i hovudet mitt no, seier Benestad til avisa.
Statens helsetilsyn starta granskinga si av Benestad i fjor haust. Grunngivinga var at Statsforvaltaren i Agder konkluderte med brot på kravet helselovgivinga hadde til det som er forsvarleg, informasjonsplikt og journalføring.
Statsforvaltaren varsla også om bekymring for behandling av pasientar med kjønnsinkongruens, som er misforhold mellom kjønnsidentitet og fødselsskjønn.
(©NPK)