Frankrike kunngjer internasjonal arkitektkonkurranse om Notre-Dame
Arkitektar over heile verda skal få konkurrere om å byggje opp att hovudspiret i Notre-Dame, seier statsminister Édouard Philippe i Frankrike.
Saman med store delar av taket på katedralen gjekk hovudspiret tapt i brannen måndag kveld og natt til tysdag.
Onsdag heldt den franske regjeringa eit ekstraordinært møte for å diskutere gjenoppbygginga av Notre-Dame. President Emmanuel Macron har lova at katedralen skal vere reist igjen innan fem år, endå vakrare enn den var.
Statsminister Philippe seier målet med arkitektkonkurransen er å «gi Notre-Dame eit spir som er tilpassa teknikken og utfordringane vi har i dag».
Han legg til at styresmaktene førebels ikkje har noko tal på summen for renovering av katedralen.
- Dette er heilt klart eit massiv utfordring, og eit historisk ansvar, seier Philippe.
(©NPK)
Hovudspiret på den ikoniske Notre-Dame-katedralen i Paris kapitulerte og raste saman under brannen tidlegare denne veka. Nå kunngjer Frankrike ein internasjonal arkitektkonkurranse om å gjenreise spiret. Foto: AP / NTB scanpix