Jernbanedirektøren: Tilliten til Bane Nor er ikkje svekt

– Eg har tillit til at dei gjer det dei kan for å få dette på plass og utbetre det som må utbetrast for å få det på plass, seier jernbanedirektøren til NTB.

Han seier han er oppteken av at passasjerane skal ha eit godt og føreseieleg togtilbod.

– Aller helst på Follobanen, men så lenge Blixtunnelen er stengt, er det viktig å sikre eit godt mellombels tilbod fram til Follobanen er klar for ei trygg og sikker gjenopning, seier han.

– Vi er også opptekne av å få det på plass så snart som mogleg, men samtidig er vi er opptekne av føreseielegheit for dei reisande. Det inneber at dei, når banen opnar, ikkje får eit dårlegare tilbod enn dei har i dag, seier han.

Han seier Bane Nor må utbetre det som trengst, og teste det tilstrekkeleg før det blir opna for trafikk.

– Poenget er at du ikkje kjem i ein ny situasjon der du må stengje ned igjen, seier Sletta – som fortel at direktoratet følgjer opp og har ein løpande dialog med Vy og Bane Nor.

(©NPK)

Jernbanedirektør Knut Sletta seier tilliten til Bane Nor ikkje er svekt.
Foto: Terje Pedersen / NTB / NPK