Mor til Tolga-brørne sikta for mishandling av ein av sønene
Mor til Tolga-brørne er sikta for å ha mishandla ein av sønene. Ho nektar straffskuld.
Mora vart for nokre veker sidan arrestert i Tolga for brot på reglane i straffelova om mishandling i nære relasjonar.
- Bakgrunnen for arrestasjonen var ei melding frå Statens helsetilsyn der det vart beskrive krenkingar overfor nærståande, heiter det i ei pressemelding frå Innlandet politidistrikt.
Politiet har av omsyn til etterforskinga ikkje kunna orientere media om dette på eit tidlegare tidspunkt.
Tolga-brørne vart kjente på grunn av saka om feildiagnosar og ufrivillig verjemål, først omtalt i VG.