Nord-Korea stiller ultimatum til USA
Regimet i Nord-Korea seier atomforhandlingane med USA berre vil bli tatt opp att viss USA droppar krav om einsidig nedrusting.
Kravet vart sett fram i ei fråsegn frå det nordkoreanske utanriksdepartementet fredag.
Her får USA skulda for at toppmøtet mellom president Donald Trump og Nord-Koreas leiar Kim Jong-un i februar vart mislykka. Grunnen var visstnok at Trump stilte einsidige og umoglege krav.
Amerikanske tenestemenn har på si side sagt at samtalane braut saman fordi Nord-Korea stilte overdrivne krav om fjerning av sanksjonar utan å love meir enn delvis nedrusting til gjengjeld.
USA håper å presse Nord-Korea til å gi avkall på atomvåpena sine i byte mot eit betre forhold og fjerning av sanksjonar. Så langt har samtalane mellom landa gitt avgrensa resultat.
(©NPK)
Ei TV-sending med Nord-Koreas leiar Kim Jong-un i Sør-Koreas hovudstad Seoul tidlegare denne månaden. Foto: Ahn Young-joon / AP / NTB scanpix