Noregs U16-jenter i basketball til EM-semifinale
Noregs U16-jenter i basketball held fram å bryte barrierar under B-divisjonen til EM-sluttspelet. Med 68-50 over Ukraina er dei semifinaleklare.
Karyn Sanford scora 18 poeng, Maria Myklebust 17 og Synne Jacobsen 15 i kvartfinalen på torsdag. Myklebust og Sunniva Sørbye tok 10 returar kvar.
Noreg låg under 23-26 halvvegs, men tok kommandoen med 24-12 i 3. periode og enda med ein klar siger. Det var Noregs femte siger på seks kampar i meisterskapen i Bulgarias hovudstad Sofia.
Fredag ventar Slovenia i semifinalen.
Noreg er no blant dei fire beste i B-divisjonen. Dei 16 høgast rangerte laga speler EM-sluttspel i Nord-Makedonia.
(©NPK)