Ny sending med smittevernutstyr har komme til Noreg
Store mengder munnbind og anna smittevernutstyr kom til Noreg med fly fredag.
Flyet er det andre med smittevernutstyr som har komme til Noreg den siste veka. Utstyret skal no fordelast ut til helseføretaka og kommunane i landet så raskt som mogleg.
– Dette vil betre situasjonen ute i helsetenesta. Men det er ikkje snakk om å lette på trykket før vi har alt det smittevernutstyret vi treng for pandemien på norsk jord, seier administrerande direktør Cathrine M. Lofthus i Helse Sør-Aust i ei pressemelding.
Så langt har Sykehusinnkjøp gjort rundt 70 avtalar til eit tresifra millionbeløp om levering av smittevernutstyr.
(©NPK)
Administrerande direktør Cathrine M. Lofthus i Helse Sør-Aust opplyser at nok ei sending med smittevernutstyr har komme til Noreg. Foto: Cornelius Poppe / NTB scanpix