Roglic køyrde frå rivalen og tok ny Vuelta-siger
Primoz Roglic knalla til i den siste stigninga og vann 10. etappe i Vuelta a España. Med det sette han samanlagtleiar Richard Carapaz skikkeleg på plass.
Det vart ein stjernekamp opp mot målstreken i det nordlege Spania fredag. Carapaz prøvde å støyte på tampen av den bratte bakken, men med 100 meter igjen vart ryttaren frå Ecuador distansert av Roglic.
Rykka til slovenaren heldt til siger. Det var tredje gong at Jumbo Visma-syklisten jubla for etappetriumf i Vueltaen i år. Carapaz enda på 14.-plass og vart slått med tre sekund.
Sigeren gjer at Roglic tok innpå i samandraget. No er han berre tre sekund bak Carapaz.
Etappen på fredag var 185 kilometer lang og gjekk mellom Castro Urdiales og Suances.
(©NPK)
Primoz Roglic vann endå ein etappe i Vuelta a España fredag. Foto: Alvaro Barrientos / AP/ NTB