Ropstad vil ha påbod om merking av retusjert reklame
Regjeringa vil at det skal bli pålagt å tydeleg markere reklamar som er retusjert – òg i sosiale medium, melder VG. Målet er mindre kroppspress.
Lovforslaget blir presentert for Stortinget av barne- og familieminister Kjell Ingolf Ropstad (KrF) denne veka.
Den nye lova går ut på at i reklamar der utsjånaden til personane er «fiksa på», altså retusjerte, vil regjeringa at det skal vere pliktig med tydeleg merking, ifølgje VGs MinMote. Dette gjeld òg for reklame i sosiale medium.
Merkeplikta skal gjelde for reklamar der kroppsfasong, -storleik eller hud er endra ved retusjering eller anna redigering, seier Ropstad til avisa.
(©NPK)