Rosenborg kan møte AIK og Tarik Elyounoussi
Dersom Rosenborg tar seg vidare til 3. kvalrunde i meisterligaen, ventar enten slovenske Maribor eller dei svenske meistrane AIK.
Det vart klart då trekninga av 3. kvalifiseringsrunde vart gjennomført i Uefas hovudkvarter i Nyon, Sveits måndag.
Dei svenske seriemeistrane AIK blir trente av den tidlegare Brann-trenaren Rickhard Nordling og har to nordmenn i troppen. Tidlegare RBK-spelar Tarik Elyounoussi ligg på andreplass på toppskårarlista. Bærumsguten Daniel Granli har spelt fem kampar i år.
Maribor er den slovenske seriemeisteren dei siste åtte åra.
Men først må trønderane slå ut dei solide kviterussiske meistrane BATE Borisov som kan skilte med 13 strake seriemeisterskapar og i år berre har sloppe inn seks mål på 15 seriekampar.
Første kamp blir spelt på Borisov Arena onsdag. Returen på Lerkendal er veka etter.
BATE Borisov har deltatt i gruppespelet i meisterligaen fem gonger sidan Rosenborg sist deltok i 2007. I fjor tok dei seg til sekstendelsfinalen i europacupen der dei slo Arsenal 1-0 på heimebane. I London vart det langt tøffare med eit 0-3-tap.
Skulle BATE Borisov bli for sterke, går Rosenborg inn i tredje kvalifiseringsrunde i europacupen.
(©NPK)
Rosenborg-trenar Eirik Horneland kan få besøk av tidlegare RBK-spelar Tarik Elyounoussi.
Foto: Ole Martin Wold / NTB scanpix