Trøndelag AUF: - Avgjerda er rett for å skape ro i partiet
- No må Trøndelag Ap legge dette bak seg og gå vidare, seier leiaren i Trøndelag AUF etter avgjerda om å vrake Trond Giske frå alle verv i fylkespartiet.
- Eg har fått med meg at Giske har trekt seg. Og eg meiner avgjerda er rett for å skape ro i partiet, skriv leiar Håkon Einarsve i Trøndelag AUF i ei tekstmelding til Trønder-avisa.
Han er glad for at komiteen kom til ei samrøystes løysing og meiner at Trøndelag Ap no må legge dette bak seg.
- Eg ser fram til at vi skal vinne valet og stå samla som eit lag, seier Einarsve.
(©NPK)
Leiaren for valkomiteen i Trøndelag Ap, Jorodd Asphjell, møtte pressa på Stortinget fredag ettermiddag. Foto: Vidar Ruud / NTB scanpix