USA svarar Venezuela og utviser to diplomatar
USA har valt å gjengjelde president Nicolás Maduros utvising av USAs toppdiplomatar frå Venezuela.
Utanriksdepartementet bekreftar at utvisinga er ei gjengjelding.
Maduro skulda amerikanarane for å delta i ei samansverjing mot regjeringa i Caracas då han kunngjorde utvisingane i ein TV-sendt tale tysdag. Presidenten gav USAs chargé d'affaires Todd Robinson og hans nestkommanderande Brian Naranjo 48 timar på å forlate landet.
Den attvalde presidenten skulda Robinson for å konspirere mot regjeringa hans.
No har USA svart med same mynt og gir dei to venezuelanske diplomatane 48 timar på å forlate landet.
- Skuldingane bak avgjerda til Maduro-regime er grunnlause. Våre ambassadetilsette har utført sine offisielle plikter på ein ansvarleg og konsekvent måte i samsvar med Wien-konvensjonens retningslinjer, seier talsperson for departementet Heather Nauert.
USA kunngjorde nye sanksjonar mot Venezuela etter at Maduro erklærte siger i valet i helga. Visepresident Mike Pence kalla valet for ein farse og slo fast at det manglar legitimitet.
Onsdag gjekk G7-landa saman om å ikkje godta Maduros attval fordi valet og resultatet «mangla legitimitet og truverd. G7 består av USA, Canada, Storbritannia, Frankrike, Tyskland, Italia og Japan. Også EU stiller seg bak fråsegna.
(©NPK)
USAs utanriksminister Mike Pompeo. Foto: Pablo Martinez Monsivais / AP / NTB scanpix