WHO oppmodar til auka bruk av munnbind
Verdshelseorganisasjonen (WHO) oppmodar til bruk av munnbind på stader der det er omfattande smittespreiing og der det ikkje er mogleg med sosial avstand.
– Regjeringar bør oppmode folk til å bruke masker der det er omfattande spreiing og fysisk distanse er vanskeleg, slik som på offentleg transport, i butikkar og i andre lukka eller folksame miljø, seier WHOs generaldirektør Tedros Adhanom Ghebreyesus, som fredag la fram den oppdaterte rettleiinga om munnbind.
Tidlegare har WHO berre anbefalt munnbind for helsepersonell, covid-19-sjuke og omsorgspersonane deira.
Folk over 60 år og dei med underliggjande helsetilstandar bør òg bruke medisinske munnbind i situasjonar der sosial distanse ikkje kan haldast oppe, meiner WHO.
(©NPK)