Artisten Avicii er død, 28 år gammal
Den svenske artisten og produsenten Tim «Avicii» Bergling er død, opplyser pressekontakt Ebba Lindqvist til svenske medium. Avicii blei 28 år gammal.
- Det er med stor sorg at vi må kunngjere at Tim Bergling, kjend under artistnamnet Avicii, er død. Han var i Muscat i Oman og blei funnen død fredag ettermiddag lokal tid, skriv Lindqvist fredag kveld.
Ho ber om at det blir teke omsyn til familien til Avicii, og at dei får vere i fred i denne vanskelege tida.
Den verdskjende musikaren, DJ-en og plateprodusenten har dei siste åra hatt stor internasjonal suksess og har blitt nominert til to Grammy-prisar.